Uncategorized

ازاي اتعامل مع ابني علشان يكون طفل سوي؟

1_ امدحي نجاح ابنك وشجعيه علي الاعمال اللي بيعملها صح حتي لو كانت اعمال صغيره

2_ احضني ابنك وحسسيه بحبك الاطفال مابتستوعبش كلمات الشكر قد حضنك ليه

3_ اتكلمي مع ابنك بشكل واضح وبصوت عادي وماتتكلميش معاه بطريقته الطفوليه او حتي تعلي صوتك وانتي بتتكلمي معاه

4_ استخدمي اكتر من طريقه علشان تتكلمي معاه عن الاشياء والحاجات اللي حواليه علشان يقدر يستوعب

5_ خليه يلمس ويدوق ويشم ويستكشف الحاجه بحواسه هتفيده جدا

6_ نحاول نلتزم بالكلام والتعليمات اللي هنقولها لابننا ونعمل بيها منعملش بعكسها علشان الطفل يدرك الصح من الغلط

7_ نحاول نخلي طريقه التعامل مع الطفل واحده يعني كلنا ف البيت نتعامل بشكل واحد

8_ متدلعيش ابنك اوي وماتبخليش عليه بحنيتك ف نفس الوقت خليك محايد

9_ لو منجحتيش انك تساعدي ابنك بطريقه معينه حاولي معاه بطريقه تانيه

10_ اتكلمي مع ابنك باحترام وماستهزأيش بيه

11_ اللعبي مع طفلك واتكلمي معاه وقربي منه وعلميه عن طريق اللعب

12_ شجعي طفلك انه يعتمد علي نفسه ويحل واجبه بنفسه مع انك تواجهيه بطريقه غير مباشره

13_ شجعي ابنك علي انه يكون علاقات اجتماعيه مع صحابه