ازاي احمي طفل ٤ و٥ سنوات من عسر الكتابة او الديسجرافيا؟؟؟

دي مشكلة واضطراب نمائي في اللغة المكتوبة للتعبير عن الأفكار في مرحلة الطفولة المبكرة

طب ازاي احمي ابني منها؟؟!!

هقولك لازم الطفل الصغير خصوصا في سن قبل الحضانة نراعي معاه مراحل نمو جسمة وخصوصا ايده وهي عضو المسؤل عن الكتابة قبل ما نلزمة بعملية الكتابة في حاجة اسمها  مهارات ماقبل الكتابة

طب دي عبارة عن ايه؟؟؟!!!

مهارات ماقبل الكتابة

١ لازم نبدأ مع الطفل من صغره من اول ما يبدأ يمسك الأشياء ونبتدي ننمي عضلاتك الكبرى الأول ذي الذراعين واليدين

طب انميها ازاي؟؟؟!!

هنميها باللعب ايوا كل الالعاب اللي ممكن يستخدم فيها ايديه وذراعيه

ذي مثلا لعبة الميه والاسفنج ودي بتبقى عبارة عن جردل ميه وعلبة ويبدأ ينقل في العلبة الميه من الجردل بالاسفنج انه يبلها من الجردل ويعصرها في العلبة

طب الدنيا سقعة….. ماشي في العاب الكور  المكعبات البازل المطرقة والكور الملونة وغيرها كتير ممكن تجيبي بلاستر ألوان وتلزفية على الحيطة يفكة

تجيبي شوية مكرونة نية وطبقين وينقل المكرونة من الاول للتاني وهكذا……

٢ تنمية مهارات العضلات الدقيقة للطفل ودي بنبدا نشتغل على العضلات الصغرى للطفل طب ذي اية؟؟

هقولك ذي لعب الصلصال ذي التلوين بالفرش لضم الخرز البراغي او لعبة الصامولة فك الزراير والسوستة التدريب على أربطة الاحزية والخطة دي بيبدأ فيها يستعمل العضلات الصغرى عشان تنمو  تتطور

٣  التدريب على أنشطة التعرف على الخطوط وده لان كل أشكال الحروف والأرقام عبارة عن نقط وخطوط بنبداها بالرسم على الرمل او الدقيق وبنوصل لرسمها بالألوان والتتبع البصري للخطوط المنقطة

٤ ولما اوصل للمرحلة دي ممكن ابدا ادي كتابة حروف بس لازم اراعي الاتجاه الصحيح للكتابة

وده بدرب عليه من اول البازل والتلوين اني ادرب على تركيب الخرز او التلوين ومطابقة الأشكال  من اليمين للشمال عشان لما ادي له يمين الكراسة يبقى فاهم

الاخصائية / رشا محمود

أطفالنا أمانة# نراعي ربنا  # نعلم صح