لو طفل عنده فرط حركه هتعملى معاه اي ؟
ف البداية لازم حضرتك تكون مقتنع تماما ان ابنك بيعمل كل دا من غير قصد ، يعني غصب عنه ، والعقاب البدني لا يفيد بأي شئ
والطفل عنده فرط حركه يعني عنده طاقه كبيرة ومحتاج من حضرتك أنك تساعده ع انه يخرج الطاقة دي من خلال عمل انشطه رياضيه ، سباحه ، جري
المهم يكون ف مكان امن ليه..
هتعملي تدريبات عمليه لزياده الانتباه والتركيز
زي تدريب الثبات الحركي 👇👇👇👇
١/هتدربيه يتابع عقرب الساعة سواء ساعه يد او حائط وتفهميه انه يبص ع العقرب لمده ثواني،
30 ثانيه ف البداية بدون حركه بعدين دقيقه وهكذا كل يوم بقا ع النظام دا عشر مرات يوميا
ولو عملت دا تكافأيها بمعزز معنوي زي شاطره برافو وهكذا
واهم شئ التعزيز يعنى المكافأه
٢/ تمشي بكوبايه ويفضل تكون بلاستيك عشان لو وقعت متتكسرش ويكون فيها مايه وتمشي لمسافه 10 متر بدون ما يقع منها حاجه رايح جاي …
والتدريب دا 10 مرات يوميا 💪🏼
٣/تدربيها ع الوقوف ع قدم واحده بدون ما تسند ع حد وحضرتك تعدي من واحد لعشره وتكافأيها بعدين ازود العدد ….
واعزز اهم شئ التعزيز الله يكرمكم 👌
٤/ تدريب ع حمل الاشياء ع راسه ويتحرك بيها نفس الكلام برضو عشر مرات يوميا بدون ما شئ يقع 👆
٥/تدربه علي نقل خرز ، رز ، فصوليا اي شي متواجد ومتوفر ف المنزل
هينقل من مكان لاخر ع مسافه وهو قاعد بعدين مسافه أكبر شويه بعدين ع مسافه وهو واقف من مكان لاخر بالمعلقه ، وممكن كمان بالماسك .
٦/ ينقل مايه من مكان لاخر باستخدام اسفنج ، هياخد من الطبق دا ويمشي ويعصر ف الطبق التاني وهكذا 👆👆
واهم شئ المعزز ،
وانشطه كتير زي كدا 👆👆
ممكن نعملها ف البيت 💪🏼 …
Arabic 
Leave Your Comment